ЯҢАЛЫКЛАР
«Татнефть» ГАҖ һәм Әлмәт шәһ. медик-санитар частенда «Эндоваскуляр хирурглар өчен яңа буын стент-графтын урнаштыру буенча интервенцион күнекмәләр» дигән Республика мастер-классы узды. Чарада әйдәүче рентгенохирурглар һәм йөрәк-кан тамырлары хирурглары катнаштылар.
Тәтеш үзәк район хастаханәсендә район халкы өчен Сәламәтлек мәктәбе узды. Катарактаны профилактикалау, иртә ачыклау һәм дәвалау турында хастаханәнең табибы-офтальмологы Надия Мансурова сөйләде.
Медицина фәннәре докторы, КФУның ФМһБИ хирургия, акушерлык һәм гинекология кафедрасы мөдире, КФУ Университет клиникасының табибы-хирургы Сергей Зинченко җитәкчелегендә паращитовид бизләрнең интраоперацион флюорисцент визуализациясе буенча регионара мастер-класс чикләрендә ике күрсәтмә операция уздырылды. Хирургик дәвалау вакытында паращитовид бизләрне диагностикалау өчен флюоресцент эффект булган препарат кулланылды.
Әлмәт кан үзәгендә Милли донор көненә туры китерелгән хәйрия донор акциясе узды. Һәр ел саен 20 апрельдә Россиядә бу мөһим көн билгеләнә. Бүген акция «Татнефть» Хәйрия фонды һәм DonorSearch.org.порталы булышлыгында «Игелекле Әлмәт» волонтерлык штабы катнашуында оештырылды.
Эшлекле форум Уфаның «Торатау» конгресс-холл мәйданчыгында Татарстан Республикасы көннәрен Башкортстанда үткәрү очрагы буенча чаралар комплексы кысаларында узды. Татарстан һәм Башкортстан сәнәгать потенциалының презентациясе белән профильле министрлыклар җитәкчеләре чыгыш ясады, ике регионның туристик мөмкинлекләре турында докладлар яңгырады. Башкортстан белән хезмәттәшлек перспективалары турында үз докладларында министрлыклар һәм ведомстволар вәкилләре хәбәр итте.
БРКХ рентгенохирургия бүлегендә ике көн дәвамында профессор Павел Гавра белән бергә балаларның тумыштан килгән йөрәк кимчелеген дәвалау буенча берничә катлаулы оператив тыкшынулар башкарылды.
Перинаталь үзәк белгечләреннән лекцияләр һәм булачак әниләр өчен бала табу йорт буенча экскурсияләр Түбән Камада ел ярымга якын гамәлдә. КРВЙ авыруларының сезонлы күтәрелү сәбәпле, бераз тәнәфес ясадылар.
Казанның 18нче номерлы Үзәк шәһәр клиник хастаханәсенең ЛОР-бүлегендә башлангыч трахеостомиясеннән башка бугазның сул вестибуляр өлкәсендә шешне эндоларингеаль алып ташлау буенча уникаль операция башкарылды.
15 апрельдә Мәскәүдә «Ел менеджеры – 2018» Россия конкурсына йомгак ясадылар. «Сәламәтлек саклау» номинациясендә Чистай ҮРХнең 2нче номерлы шәһәр хастаханәсенең баш табибы Светлана Малагина җиңүче булды.
Казан дәүләт медицина университетында Казан офтальмология мәктәбенә нигез салучы, профессор Е.В. Адамюкның (1839-1906) оныкчалары – Австриядән Роланд һәм Барбара Клосс булдылар.