ЯҢАЛЫКЛАР
Бөтендөнья онкология авырулары белән көрәшү көне алдында 2015 елның 3 февралендә 11.00 сәг. Декабристлар ур., 2 адресы буенча «Татмедиа» агентлыгында сәламәтлек саклау министры Вафин А.Ю. катнашуында булачак пресс-конференциядә катнашырга чакырабыз.
Бүген Кече Чынлы саласында яшәүчеләр өчен истәлекле вакыйга булды, монда тантаналы шартларда модульле фельдшер-акушер пунктын ачтылар.
Исегезгә төшерәбез, тиз төзелгән модульле ФАПларны Татарстан районнарында ачу «2012–2016 елларда Татарстан Республикасы халкына беренчел медик-санитар ярдәмне камильләштерү» Республиканың максатлы программасын гамәльгә ашыру чикләрендә уздырыла. Бүгенге көнгә бу ФАП районда алтынчы, тиздән Үби саласында тагын бер ФАПның ачылуы булачак.
Республика клиник хастаханәсендә «Озын көпшесыман сөякләрнең остеосинтезының хәзерге заман алымнары: яңа әсбаплар һәм технологияләр» мастер-классы узды. Безнең республикабызның травматологлары белән үзенең тәҗрибәсе белән уртаклашырга интрамедулляр блокадалана торган остеосинтез буенча Россиянең әйдәүче белгече, «В.Д. Чаклин исемендәге Урал ТОФТИ» ФДБОның м.ф.к., травматологлар-ортопедларның халыкара берләшмәсенә «Русский Кюнчер» кебек билгеле, А.Н. Челноков килде.
КБМҮ Перинаталь үзәгенең яңа туган балаларны реанимацияләү бүлеге көн саен кунакларны кабул итә. Ата-аналар үзләренең вакытыннан алда туган, сәламәтлек хәлләре буенча табиблар күзәтүе астында махсус кувезларда урнашырга тиеш булган бәбиләренә кереп чыгалар.
ТР Сәламәтлек саклау министрлыгының Яр Чаллы шәһ. буенча Сәламәтлек саклау идарәсе җитәкчесе Елена Боенко бүгенге көнгә шәһәрнең алдынгы клиникалары булучы хосусый медицина оешмаларының вәкилләре белән очрашты. Очрашу барышында шәһәрнең яңа микрорайоннарында халыкка беренчел медик-санитар ярдәмне камилләштерү мәсьәләләре турында фикер алыштылар. Шулай, Замелекесьеда гомуми практика табиблары һәм участок педиатрлары офисларының төзелеше планлаштырыла.
7нче февральдән башлап 13нә кадәр Казан дәүләт медицина университеты традицион масштаблы профюнәлдерелгән чараны – «Ак халатлы фәрештәләр – Ангелы в белых халатах» дигән медицина фестивален уздыра. Аның чикләрендә факультетларның презентациясе, дәвалау оешмалары, КДМУ музее буенча экскурсияләр,тренинглар, конкурслар, психологик тестлау узачаклар.
2014 елның апрелендә старт алган «Безнең кадерле ветеран» Республика социаль-гуманитар проектын гамәлгә ашыру чикләрендә Әлмәт муниципаль районында Бөек Ватан сугышының катнашучылары өчен 25 югары комфортлыклы медицина палатасы билгеләнде. Проектның максатлары һәм бурычлары – кирәкле җиһазлар белән җиһазландыру һәм өйдәгегә якынлашкан җыйнаклыкны барлыкка китерү, ветераннар белән очрашулар һәм әңгәмәләр вакытында күтәренке, уртаклашулы игътибар күрсәтү.
ТР ССМ Яр Чаллы шәһ. буенча Сәламәтлек саклау идарәсе катнашуында йогышлы авырулар хастаханәсе җирлегендә Чаллы югары уку йортларының студентлары белән дәвалау-профилактика оешмаларының баш табиблары һәм психологлары очрашуы булды. Чара барышында Тимур Исламов Фонды коммерцияле булмаган җәмәгатьчелек оешмасының активистлары белән хәзерләнгән «Наркотиклар- СПАЙС»исеме астында театр постановкасы күрсәтелде һәм аның турында бергәләп фикер алышу булды.