ЯҢАЛЫКЛАР

2018 елның 14 маеннан башлап 20 маена кадәр Бөтендөнья СПИДтан үлгәннәрне искә алу көненә туры китерелгән Бөтенроссия «Тукта ВИЧ/СПИД» акциясе уза. Бу акция кысаларында Татарстанда ВИЧ-йогышы турында халыкны мәгълүматлаштыруны  арттыру максаты белән «Казан–Яшел Үзән–Чистай–Казан» автомобильләр ярышы планлаштырылган. Акция көннәрендә республиканың катнашучы шәһәрләрендә мобиль пунктлар урнаштырачаклар, анда  ВИЧ-йогышына экспресс-тест үткәреләчәк, моннан тыш, тестны узганчы һәм узганнан соң медицина психологының консультациясен алырга мөмкин булачак. Автомобильләр ярышын оештыручылары –  Татарстан Республикасының «Профилактика һәм инициатива» региональ иҗтимагый оешмасы белән бергә ТР Сәламәтлек саклау министрлыгы, Республика СПИД үзәге.

Бу көннәрдә Санкт-Петербургта Халыкара «ВИЧ-йогышының көнүзәк мәсьәләләре. ВИЧ-йогышы белән балаларның сәламәтлекләрен саклау» дигән фәнни-гамәли конференциясе уза. Чара «Россиядә балачакның унъеллыгы»  программасын тормышка ашыру кысаларында катнаш өлкәләрнең киң спектрының россия һәм чит ил белгечләре арасында тәҗрибә һәм белемнәр белән алмашу максаты белән уза. Конференциядә катнашучылар төп мәсьәләләр арасында ВИЧ-йогышы буенча эпидемиологик хәл, профилактиканың көнүзәк  мәсьәләләре, диагностикалауга һәм дәвалауга хәзерге заман карашлары,  ВИЧ-йогышы белән балаларга ярдәм күрсәткәндә юридик аспектлар турында фикер алышачаклар. Конференциядә Республика СПИД үзәгенең баш табибы Нияз Гәлиуллин, медицина бүлеге буенча баш табиб урынбасары Фирая Нәгыймова катнашалар.

Халыкара «Ми аврулары: XXI гасырның каршы килүе» дигән яшь галимнәрнең конференция-мәктәбе Казанда (КДМУ, Бутлеров урамы, 49) 2018 елның 16 маенда узачак. Чарада  фундаменталь һәм гамәли нейрофәннәр өлкәсендә россия һәм чит ил әйдәүче галимнәре катнашачак. Конференция чикләрендә яшь галимнәрнең лекцияләре, докладлары, нейрофәннәр өлкәсендә төп фәнни мәсьәләләр турында дискуссия булачаклар. Докладчылар булып Россия, Бөек Британия һәм Франция университетларыннан әйдәүче белгечләре чыгышлар ясаячаклар. Төп мәсьәләләр арасында ми авырулары үсешенең молекуляр, күзәнәк һәм генетик механизмлары турында, ми авыруларын дәвалауның яңа алымнарын эшләү, хайваннарда неврологик бозылуларны эксперименталь модельләштерү, шулай ук нейрофәннәр өлкәсендә халыкара хезмәттәшлек турында фикер алышачаклар.

2018 елның 11 маенда, Халыкара шәфкать туташлары көненә каршы, Югары Ослан муниципаль районында шушы искиткитәрлек бәйрәмгә багышланган чара булды.

Казанда Бөтенроссия сәламәт яшәү рәвешенә булышлык күрсәтү «Без сәламәт – кушылыгыз!» акциясе узды. 12 майда Горький исемендәге ҮМһәмЯП яшел кырында масса-күләм зарядкада 2,5 мең шәһәр яшәүчесе катнашты. Унсигезенче тапкыр узган акция Казан ДМУ һәм ТР Сәламәтлек саклау министрлыгы тарафыннан оештырылды. Сәламләү сүзендә ТР сәламәтлек саклау министры урынбасары Владислав Виниченко «медик – ул кешеләргә үрнәк булып тора», – дип басым ясады. Дәүләт Думасы депутаты, җиңел атлетика буенча РФнең атказанган тренеры  О. И. Павлова бөтен кешеләргә нык сәламәтлек һәм бары тик алга барырга теләде. Социаль сәясәт буенча Дәүләт Советы Комитетының Рәисе Светлана Захарова, үз чиратында, Татарстан – спортны үстерү һәм популярлаштыру өчен күп нәрсә эшләнә торган регион дип, билгеләде.

Бөтендөнья иммунизация атнасыын уздыру кысаларында Казанның 7нче номерлы Шәһәр балалар сырхауханәсендә «Вакцина – безнең саклануыбыз» темасына балалар рәсемнәренең смотр-конкурсы уздырылды.

Тавыш бирү социаль челтәрләрдә уздырылды. Тавыш бирү нәтиҗәләре буенча беренче өч бүләкле урынны Әхмәтҗанова Сәидә, Хәсәнов Альмир һәм Яшков Анатолий алдылар. Шулай ук актив катнашу өчен Кузнецова Карина һәм Семенова Виктория бүләкләнделәр. «Тамашачы мәхәббәтенең бүләге» номинациясендә Ракеева Амелия һәм Шакирова Мәликә җиңүчеләр булдылар. «Иҗади гаилә» номинациясендә Злата һәм Милена Сватеевалар һәм Юлия һәм Вадим Черномашенцевлар билгеләнделәр.

Конкурсның җиңүчеләрен бүләкләү грамоталар һәм призлар бирү белән узды. Баллы бүләкләрне конкурсның бөтен катнашучылары алдылар. 3нче номерлы балалар музыкаль-тынлы мәктәбенең укучылары җиңүчеләрне котладылар.

Иртәгә Казанда ТР сәламәтлек саклау министры Марат Садыйков катнашуы белән «Без сәламәт – кушылыгыз!» Бөтенроссия акциясе (Казан шәһ. Горький исемендәге ҮМһәмЯП) узачак. Горький исемендәге ҮМһәмЯПның яшел кырында уздырылачак масса-күләм зарядкада КДМУ студентлары, укытучылары һәм хезмәткәрләре, ТР Министрлыкларының һәм ведомстволарының вәкилләре, Казан шәһәренең яшәүчеләре (катнашучыларның гомуми саны – 2500дән артык кеше) катнашачаклар.

Түбән Камада бадминтон, волейбол, җиңел атлетика, өстәл теннисы, шахматлар һәм канат тарту буенча Әлмәт, Яр Чаллы, Түбән Кама, Бөгелмә, Яшел Үзән шәһәрләренең командалары катнашуы белән Татарстан Республикасы сәламәтлек саклау хезмәткәрләре «Сәламәтлек – 2018» Спартакиадасының зональ сайлап алу ярышлары уздырылды.

12 майда Россиядә шәфкать туташлары көнен билгеләп үтәләр.

Бүген ике көнлек Казан маммология форумы-2018 ачылды, анда Россиядән һәм БДБ илләреннән иң яхшы табиблар һәм экспертлар сөт бизенең яман шешен диагностикалауның һәм дәвалауның көнүзәк мәсьәләләре турында фикер алышу өчен бер мәйданчыкта җыелдылар.