ЯҢАЛЫКЛАР
Хөрмәтле ватандашлар, кадерле татарстанлылар!
Безнең республика тарихы татарстанлыларның күп буыннарның казанышларыннан һәм җиңүләреннән тора. 1920 елның 27 маенда ТАССР төзелү турында Декрет имзалана. Бу безнең дәүләтчелекне торгызуда мөһим вакыйга булды, алга таба Татарстан Республикасының үсешендә зур роль уйнады.
Эпидемиягә каршы режим хастаханәләр һәм сырхауханәләр эшенә үз төзәтмәләрен кертте, ләкин тормыш туктамый, һәм дәвалау учреждениеләре, яңа мөмкинлекләрне ачып, аларга яраклаша.
Республика клиник онкология диспансерында йөз яшьлек пациентка - Татарстанда яшәүче, Мәскәүдән Берлинга кадәр сугыш юлын үткән Бөек Ватан сугышы ветеранына, операция ясалды.
Татарстанның Республика клиник хастаханәсе хирурглары бавыр капкасы яман шешеннән интегүче бабайга катлаулы операция үткәрделәр. Башлыча ТР Югары Ослан районының Рус Макылы авылында яшәүче 78 яшьлек ир-ат кинәт сары төскә кергән булган, аннан соң үзен начар хис итә, «ашыгыч ярдәм» дә аны РКХнә китерәләр.
ТР сәламәтлек саклау министры Марат Садыйков Яшел Үзән район хастаханәсенең йөрәк-кан тамырлары авырулары бүлегендә чыккан янгында һәлак булучыларның туганнарының һәм якыннарының тирән кайгысын уртаклашты.
15 нче май Халыкара гаилә көне итеп билгеләп үтелә. ТР сәламәтлек саклау министры Марат Садыйков бу көнне Зефировлар – Андрей Львович һәм Әлфия Морзаһит кызы гаиләсендә булды. Аларның медицина нәселененең табиблык стажы 650 дән артык ел.
2020 елның 12 маенда КДМУның факультет педиатрия кафедрасы доценты, медицина фәннәре кандидаты, Татарстан Республикасының Атказанган табибы, хезмәт ветераны Зиатдинов Илгизәр Галимҗан улы вафат булды.
Яңа коронавирус йогышы COVID-19 таралу куркынычларын кисәтү һәм киметү буенча чараларны гамәлгә ашыру максатларында Татарстан Республикасында балаларны мәктәпкәчә белем бирү оешмаларына кертүнең Вакытлы тәртибе расланды.
Документ ТР Мәгариф һәм фән министрлыгы, ТР Сәламәтлек саклау министрлыгы, ТР буенча Роспотребнадзор идарәсе катнашында һәм РФ Баш дәүләт санитар табибының 15.05.2013 № 26 «Мәктәпкәчә белем бирү оешмаларын урнаштыруга, карап тотуга һәм аларның эш режимын оештыруга санитария-эпидемиология таләпләре» СанПиН 2.4.1.3049-13 раслау турында» Карарын үтәү йөзеннән ведомствоара киңәшмә нәтиҗәләре буенча кабул ителде.
1. ТР Сәламәтлек саклау министрлыгы карамагындагы балалар сырхауханәләренең/сырхауханә бүлекләренең табиб-участок педиатрлары баланың әти-әниләренең телефон элемтәсе аша алынган мөрәҗәгате нигезендә йогышлы авырулар белән бәйләнешләрнең булмавы турында белешмә бирәләр. Әгәр ата-аналарның участок табибының контактлары юк икән, алар call-үзәккә яки сырхауханәнең регистратурасына шалтырата алалар.
2. Белешмә алу өчен балалар сырхауханәсенә бару рөхсәт ителми.
3. Белешмәне дистанцион рәвештә электрон почта аша яки мобиль элемтә мессенджерлары аша бирелә. Фотография белешмә яки аның сканерланган күчермәсен тапшыру мөмкин.
4. Кирәк булганда тәрбияләнүченең ата-аналары дистанцион режимда бирелгән белешмәнең гамәлдә булу вакыты турында белә алалар.
Моннан тыш, балалар бакчаларында иртәнге фильтр көчәйтеләчәк. Балалар бакчаларына насморк белән һәм ОРВИның башка билгеләре булган балаларны кабул итмәячәкләр.
Яңа коронавирус йогышы COVID-19 таралу куркынычы белән бәйле рәвештә, Россия Федерациясе Хөкүмәте тарафыннан гадәттән тыш хәлләрне кисәтү, тарату һәм бетерү мәсьәләләре буенча берничә норматив-хокукый акт кабул ителде:
- «Гадәттән тыш хәлләрне кисәтү һәм бетерү мәсьәләләре буенча Россия Федерациясенең аерым закон актларына үзгәрешләр кертү турында»2020 елның 1 апреленнән 98-ФЗ номерлы федераль закон. Әлеге федераль закон нигезендә Россия Федерациясе Хөкүмәте рөхсәт алынырга тиешле профессиональ эшчәнлек мондый рөхсәт алмыйча гына башкарылырга мөмкин булган очракларны һәм шартларны күздә тоткан карарлар кабул итәргә хокуклы.
- Россия Федерациясенең «2020 елда рөхсәт итү эшчәнлегенә карата рөхсәтләрнең гамәлдә булуын озайту һәм башка үзенчәлекләр турында» 2020 елның 3 апреленнән 440 номерлы карары. Аның нигезендә рөхсәт бирү эшчәнлеге формалары исемлеге расланган.
5 майда Яр Чаллы шәһәренең «5нче шәһәр хастаханәсе» ДАССУның казналык-бит хирургиясе бүлеге мөдире, югары категорияле табиб-хирург, Татарстан Республикасының Атказанган табибы Дмитрий Васильевич Смородинов вафат булды.
Д.В.Смородинов 30 елдан артык медицинага багышлаган, киң практик тәҗрибәсе булган казналык-бит хирургларның берсе булган. Дмитрий Васильевич өлкәннәргә һәм балаларга катлаулы операцияләрне башкарган, яшь табибларның остазы һәм кураторы булып торган. Табиб көн - төн республика халкы файдасына эшләгән.
Дмитрий Смородинов 1994 елда Ижевск дәүләт медицина университетын тәмамлаган. 2002 елда БСМПның казналык-бит хирургиясе бүлеген җитәкли башлый. 5нче шәһәр хастаханәсенең казналык-бит хирургиясе бүлеге мөдире булып, ел саен 1 меңгә якын катлаулы операцияләр ясаган.
Дмитрий Васильевич, республиканың барлык медицина хезмәткәрләре кебек үк, яңа коронавирус йогышы белән авыручылар санын киметү буенча гомуми нәтиҗәгә ирешү өчен җәлеп ителә. Ул пандемия белән көрәшүнең бөтен дөнья өчен катлаулы шартларында читтә калмаган. Һәм бу Дмитрий Васильевичның зур хәрефле табиб булуын тагын бер кат раслады!
Татарстан Республикасы Сәламәтлек саклау министрлыгы хезмәттәшләре һәм хезмәткәрләре Дмитрий Васильевичның туганнарының һәм якыннарының тирән кайгыларын уртаклаша. Аның хезмәт сөючәнлеге һәм максатчанлыгы безнең барыбыз өчен дә үрнәк булачак. Сезнең белән бергә кайгырабыз.