ЯҢАЛЫКЛАР
«Татарстан Республикасының Электрон сәламәтлек саклавы» дигән Бердәм дәүләт мәгълүмат системасы (БДМС) системасын оптимальләштерү буенча чаралар кысаларында Казанның иң эре сырхауханәләренең берсе буларак Казан шәһәренең 16нчы номерлы Шәһәр клиник хастаханәсе сырхауханәсенә Казан шәһ. Сәламәтлек саклау идарәсе җитәкчесе Илнур Хәлфиев, Республика медицина мәгълүмат-аналитика үзәге директоры Альберт Гайнетдинов һәм системаны эшләүчеләр килеп киттеләр.
Бүген Казанга эш визиты кысаларында 7нче номерлы Шәһәр клиник хастаханәсенә Россия Федерациясе Социаль иминият фонды Рәисе Андрей Кигим килеп китте.
Ачу көнендә хатын-кызлар консультациясен район башлыгы урынбасары Ләйсән Галиева һәм Яр Чаллы шәһәре буенча Сәламәтлек саклау идарәсе җитәкчесе Нияз Фатыйхов карап чыктылар.
Февральдә ТР Сәламәтлек саклау министрлыгының «Кичектергесез педиатриянең көнүзәк бүлекләре» пилот проекты Казан дәүләт медицина университеты һәм Балалар республика клиник хастаханәсе белән берлектә старт алды. Укуларны кафедра мөдире Динара Садыйкова җитәкчелегендә КДМУның госпитальле педиатрия кафедрасы башкара.
Арча үзәк район хастаханәсе җирлегендә «Ашказанының һәм унике илле эчәкнең язвасы авыруы катлауланулары» дигән Республика фәнни-гамәли мәктәп-семинары булды.
Нәрсә ул кызамык? Бу вируслы авыру ничек тапшырыла? Ничек үзеңне кызамыктан саклап калырга? ТКҮРКХнең эпидемиология мәсьәләләре буенча баш табиб урынбасары Елена Пискарева бу авыруның барлык үзенчәлекләре турында үз коллегаларына, шулай ук барлык түбәнкамалыларга тагын бер кат искә төшерде.
2018 елда Чистай районында авыл халкын яшьтәге диспансерлаштыру белән каплап алу 97% тәшкил итте, профилактик прививкалар планын үтәү 99% тәшкил итте.
Татарстан Республика Сәламәтлек саклау министрлыгының Республика клиник хастаханәсенә Е. И. Королев исемендәге Кострома өлкә клиник хастаханәсенең делегациясе хастаханәнең директоры Дуботолкин В. А., икътисад мәсьәләләре буенча директор урынбасары Хабарова А. Г. һәм дәвалау эше буенча баш табиб урынбасары Лебедев О. В. составында килде.
Кунакларны баш табиб Р. Ф. Шәвәлиев җитәкчелегендә РКХ җитәкчеләре каршы алды.
Визит барышында җитәкчеләр кабул итү-диагностика бүлеген, авыр пациентлар өчен бүлекләрне һәм ситуацион үзәкне уздылар. Очрашуда җитәкчеләр яңа технологияләр, пациентларга югары технологияле медицина ярдәмен күрсәтү һәм формалаштыру мөмкинлекләре турында фикер алыштылар.
«Перинаталь үзәк белән Балалар шәһәр хастаханәсе» ДАССУ белгечләре Түбән Кама укучылары өчен сәламәтлек дәресләрен үткәрәләр. «Сәламәтлек әлифбасы» – ул эксперименталь проект. Ике ел дәвамында бөтен бер сыйныф укучылары – бу юлы 7нче урта белеем биру мәктәбендә 2 «В» сыйныфы укучылары үз сәламәтлекләрен саклауга һәм сәламәт яшәү рәвешен формалаштыруга юнәлдерелгән укыту программасын үтәләр. Укытуның беренче елында балалар шәһәр хастаханәсенең белгечләре укучыларга сизү әгъзалары (күрү сәләте, тәме, ишетү, ис сизү һәм сиземләү) турында сөйлиләр, бу органнар өчен нәрсә зарарлы һәм файдалы. Икенче елга органнар системаларын (азык-төлек, терәк яки сөяк, йөрәк-кан тамырлары, тын юллары) өйрәнәләр. Укулар формаль булмаган шартларда, уеннар төрендә, күрсәтмә материаллар һәм видеороликлар кулланып узалар. Курс ахырында балаларга «Сәламәтлек әлифбасы» дипломнары тапшырылачаклар һәм иң эшлеклеләрне билгеләячәкләр.
«Бөгелмә ҮРХ» ДАССУсе «Авторадио-Бөгелмә» белән бергә Бөгелмә муниципаль районы администрациясе ярдәме белән «Сәламәтлек сәгате» дигән яңа радиопроект эшләтеп җибәрделәр. Һәр атна саен чәршәмбеләр буенча радио тыңлаучыларның сорауларына туры эфирда «Бөгелмә ҮРХ»ДАССУнең табиблары җавап бирәләр. Тапшыруның беренче чыгарылышында «Бөгелмә ҮРХ» ДАССУнең баш табибы Илнар Вилданов һәм баш табиб урынбасары Нураддин Ахундов катнаштылар. Алар Бөгелмәдә медицина ярдәмен күрсәтүне оештыру турында сөйләделәр, шулай ук телефон аша радио тыңлаучыларның сорауларына җавап бирделәр.