ЯҢАЛЫКЛАР
Хәзер 4нче (19) номерлы Healthy Nation журналының электрон версиясе дә укый алырлык. Номерның темасы: «Госпиталь эпидемиологиясе» – Россиянең һәм Татарстанның әйдәүче белгечләре шул юнәлеш чикләрендәге соңгы тенденцияләр турында, көнүзәк мәсьәләләр һәм аларны чишүнең мөмкин юллары турында сөйлиләр. Шуннан башка, дәүләт-хосусый партнерлыкның мәсьәләләре, медицина өлкәсендә соңгы яңалыклар, иң мөһим вакыйгалар һәм башкалар яктыртылалар. Журналның электрон версиясен www.healthynation.ru буенча укыгыз!
2014 елдагы эш нәтиҗәләре һәм 2015 елга планнар турында «Чистай РҮХ» ДАССОда йомгаклау медицина советында сөйләделәр. Киңәшмә эшендә Чистай муниципаль районының Башкарма комитеты җитәкчесе Дмитрий Иванов, Сәламәтлек саклау министрлыгының медтехника бүлеге башлыгы Юрий Фомин катнаштылар.Дәвалау оешмаларының эшләре турында баш табиб Вилсун Хәмитов хәбәр итте, узган елда район сәламәтлек саклавының уңышлары турында фильм күрсәтелде.Аерым алганда, киңәшмә барышында сырхауханә хезмәтенең, бала тудыруга ярдәм итү хезмәтенең һәм профсоюзларнең эшләрендә тәфсиллерәк туктадылар.
Республика Президенты Рөстәм Миңнеханов башлыгында Татарстан делегациясе эш визиты белән Карелия Республикасында. Делегация составында – Татарстан сәламәтлек саклау министры Адел Вафин да. Петрозаводскка визит чикләрендә (2015 елның 15–16 феврале) Татарстан Президенты «Калевала» АЭК ҖЧҖнә OSB плиталарын (юнәлешкән-йомычкалы плиталар) эшләп чыгару заводына барып кайтты.Эш сәфәре программасында шулай ук «Петрозаводск дәүләт университеты» ФДБУның Югары биомедицина технологияләре институтына бару, IT-паркының эше белән танышу планлаштырылган. Шуннан башка, Татарстан Республикасы һәм Карелия Республикасы Хөкүмәте арасында Хезмәттәшлек турында килешүне гамәлгә ашыру буенча Протоколга имза куелачак. Рөстәм Миңнехановның Карелиянең татар общинасы вәкилләре белән очрашуы һәм башка чаралар планлаштырылган.
Акция максаты –социаль җаваплы тотышның, үз сәламәтлегең турында кайгыртуның һәм үз ВИЧ-статусыңны белүнең кирәклегенә халык игътибарын тарту. Акция чикләрендә волонтерлар ВИЧ-йогышын, В һәм С гепатитларын, җенси юл белән күчкән йогышларны профилактикалау мәсьәләләре буенча мәгълүматый материалларны – 10 төрле исем 7 меңнән артык, презервативларны – 2 меңнән артык һәм СПИД үзәгендә ВИЧ-йогышка түләүсез медицина тикшерүен ирекле узарга чакыру белән флаерларны тараттылыр. Акция вакытында теләүчеләргә селәгәй буенча ВИЧка түләүсез аноним экспресс-тестлауны узарга тәкъдим ителде, аны 50 кеше узды.
13 февральдә Татарстан Республикасы Сәламәтлек саклау министрлыгының Республика кан үзәгендә (Җиңү проспекты,85) 9.00 башлап 13.00 кадәр Татарстан Республикасының «Без (Мы)…» яшьләр хәрәкәтенең донор акциясе узачак. Акция Изге Вәли көненә туры китерелгән һәм «Мәхәббәт дөньяны саклап калыр, кан үлемнән коткарыр!» лозунгы астында уза. Канны беренче тапкыр биргән кеше үзенең Донор картасын ала алачак. Кемдә андый Карта кулында бар инде, үзенең Донор дәрәҗәсен күтәрә алачак, шулай ук гадәттәге бүләкләр сыйфатында дәрәҗәгә ярашлы кызыксындыргычны ала алачак.
Яр Чаллы шәһәренә ашыгыч тәртиптә Украинадан 28 мәҗбүри күченүче кеше килде. Яңадан килгән кешеләр вакытлы урнашу пунктында – 1/08 адресы буенча «Камазжилбыт» ЯАО тулай торагында урнаштырылдылар. Татарстан Республикасы Сәламәтлек саклау министрлыгының Яр Чаллы шәһ. буенча Сәламәтлек саклау идарәсенең һәм дәвалау-профилактика оешмаларының күченеп килүче кешеләргә медицина хезмәт күрсәтүне оештыру буенча эш төркеме барлыкка китерелде. Көчле авыручыларны, инвалидларны, йөкле хатыннарны, йогышлы авырулар белән авыручыларны һәм дару препаратларын өзлексез кабул итүгә мохтаҗ булган кешеләрне ачыклау максаты белән медицина тикшерүе уздырылды.