ЯҢАЛЫКЛАР

Әлмәт муниципаль районында туберкулез буенча начар эпидемиологик шартлар туберкулезга каршы көрәш буенча ведомстволар арасындагы комиссия утырышында соңгы өч ел эчендә яңадан җентекле күзәтү темасы булды. Утырыш башкарма комитетның җитәкчесе рәислегендә, Сәламәтлек саклау идарәсенең, прокуратураның, төрле ведомстволар вәкилләре, баш табиблары катнашуында узды. Һөнәри вазыйфалар сәбәпле якын тирәдәге шәхесләр белән зур бәйләнеш булган кешеләрдә туберкулез очракларын ачыклау аерым борчуны чыгара. Эш бирүчеләрнең алдан һәм периодик медицина күзәтүләрен уздыру турында карарларны һәм норматив актларны башкаруга җаваплыксыз мөнәсәбәтләре авыруның ачыкланган очраклары белән раслана.

2 августта Казан шәһ. Республика кан үзәгендә һәм аның Яр Чаллы, Түбән Кама, Әлмәт шәһәрләрендәге филиалларында Бөтенроссия донор акциясе чикләрендә Донорлар шимбәсе узды. Акциянең максаты – мөмкин кадәр күбрәк донорларны тарту һәм эш көннәрендә шуны эшли алмый торган кешеләргә кан бирү мөмкинлеген бирү. Татарстанда донорлар саны тотрыклы. Ләкин төп мәсьәлә – донорлар ташкынын регуляр, акцияләрдән ирекле итәргә: кан һаман кирәк булгач, донорның тагын бер кат киләсе килергә тиеш.

Бу көнне 108 кеше донор булды, кан банкы 40 литрдан күбрәк донорлар канына артты.

Җәйнең соңгы аеның эссе көнендә шимбә иртәсен шәфкатьле һәм күркәм эшкә багышлаган бөтен битараф булмаган кешеләргә рәхмәт белдерәбез.

Казанда беренче тапкыр «Студенческая» 4нче шәһәр хастаханәсе» ДАССОда «ТР ЭСС БДМСны» ясаучылар белән бергәләп пациентка тавышлы һәм визуаль белгертә торган электрон чират системасы кертелде. Системаның эшләвен баш табиб Айрат Зиатдинов Татарстан Республикасының сәламәтлек саклау министры Вафин Адел Юныс улына күрсәтте. 

Үзенчәлекле, ә кайвакыт авыр һәм фаталь өзлегүләр булу гистероскопия вакытында кулланылучы технологияләрне камилләштерергә мәҗбүр итә. Операция ясауның шундый яңа ысулларының берсе булып шейвер технологиясе тора (аның исеме шулай ук аналык эче морцелляциясе, һәм шулай ук салкын пычак технологиясе). 2014 елның июнь-июлендә ТР ССМ РКХ гинекология бүлегендә K.Storz җитештергән аналык эче морцелляторы (шейверы) ярдәмендә операцияләр сериясе ясалды. Бар пациенткалар да оператив тыкшынуларны әйбәт кичерделәр һәм өйләренә  чыгарылдылар.

Пенсия фондына социаль хезмәтләр җыелмасын алырга хокукны яңарту турында гаризаны бирү өчен льготалы категория гражданнарының ике ае бар әле. Исегезгә төшерәбез, ел эчендә андый хокукны кайтару мөмкинлеге закончылык белән алдан исәпкә алынмаган. ТР Сәламәтлек саклау министрлыгы Татарстан льготникларына соцпакеттан баш тартмаска киңәш итә.

БРКХдә Татарстан Республикасы сәламәтлек саклау министры Адел Вафин катнашуында Хастаханә советының «ТР ССМның 2014 елның 6 аена «Балалар республика клиник хастаханәсе» ДАССО эшчәнлегенең йомгаклары һәм урта сроклы периодка үсешенең стратегиясе турында» дигән утырышы булды. Үз чыгышында ул Балалар республика клиник хастаханәсенең эшен югары бәяләде, 2014 елдагы эш күрсәткәчләренең уңай динамикасын билгеләде, БРКХне модернизацияләү вакытында алынган ресурслар белән нигезле файдалануга игътибар итте.Министр БРКХ коллективына балалар сәламәтлеген саклауда нәтиҗәле хезмәтләре өчен рәхмәт белдерде һәм БРКХның республиканың балалар сәламәтлек саклавының авангардында калуын билгеләде, киләчәктә уңышлар һәм үсеш теләде.

Июльдә чыккан Healthy Nation журналының яңа 2нче (17нче) саны хәзер онлайн-версиядә дә бар: ТР Сәламәтлек саклау министрлыгы сайтында (уң яктагы баннерда) һәм басманың http://www.healthynation.ru/index.php?option=com_nomer&n=jul14 сайтында. Санның темасы – сәламәтлек саклауны мәгълүматлаштыру, чыгарыш Медицина хезмәткәрләре көненә туры китерелгән, материаллары арасында: «Ак чәчәкләр-2014» Республика премиясен иң яхшы табибларга тапшыру церемониясеннән репортаж, шулай ук «Клиник портрет» әдәби конкурсының җиңүчеләренә багышланган мәкалә. Журналны сез сәламәтлек саклауның иң эре регион һәм республика чараларында тарату стойкаларында таба аласыз.

ТР сәламәтлек саклау министры боерыгы белән «Азнакай районы үзәк хастаханәсе» ДАССОның баш табибы вазыйфасына Шиһапов Илдар Фираил улы билгеләнде.

Фәрид Шакир улы Бахтиозин (17.09.1930) медицина журналларында 100дән артык мәкалә авторы, травматологларның Бөтенсоюз корылтайларында, травматология һәм ортопедия буенча Россия конференцияләрендә (Санкт-Петербург, Воронеж, Екатеринбург һ.б.) берничә тапкыр чыгышлар ясады.

Фәрид Шакир улы ТР Атказанган табибы мактаулы исеменә, «ТР  Сәламәтлек саклау отличнигы» ведомство бүләгенә, Хезмәт ветераны исеменә ия. Гомуми стажы 58 елны тәшкил итә.

ТР Сәламәтлек саклау министрлыгы аның туганнары һәм якыннарының тирән кайгыларын уртаклаша...