ЯҢАЛЫКЛАР

2013 елның 27 сентябрендә «Иҗтимагый биналарда архитектура һәм инженерлык системалары» VII регионара фәнни-практик конференциясе үтәчәк. Конференциядә архитектура, инженерлык, энергетика һәм сәламәтлек саклау сферасындагы Россиянең һәм Татарстанның эре оешмаларыннан 200дән артык вәкил катнашачак. 

Искә төшерәбез, «ашыгыч ярдәмгә» шәһәр телефоны белән «03» номерын җыеп шалтыратырга кирәк, ә кәрәзле телефоннан – «030» (түләүсез). Әгәр шалтыратып булмый икән, тормышка куркыныч янаган хәлләрдә «112» номер буенча шалтыратырга мөмкин. Чукрак-телсез кешеләр SMS-хәбәрләр җибәрәләр.
Авырулар яисә зыян күргән кеше янына ашыгыч ярдәм бригадаларны тиз итеп җибәрү өчен һәм үз вакытында медицина ярдәмен күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш.
Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), юл табу өчен билгеләрне, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыругыз кабул ителде» дип җавап бирә, кабул итүнең вакытын әйтә һәм адресны кабатлый, шул чакта чакыру кабул ителгән дип санала.

14 дәвалау - профилактика оешмаларының ветеран оешмалары рәисләре катнашуы белән Әлмәт шәһәре ветераннар Советының киңәйтелгән утырышы ТР ССМның ӘМР буенча Сәламәтлек саклау идарәсе җитәкчесе Равил Хәйруллин һәм Совет рәисенең беренче урынбасары Анатолий Никифоркин катнашуында үтте.

Бүген ТР Сәламәтлек саклау министры А.Ю.Вафин "16 номерлы Шәһәр хастаханәсе" ДАССОның коллективын яңа баш табиб белән таныштырды, бу моңа кадәр «7 номерлы Шәһәр клиника больницасы» ДАССОның баш табибының беренче урынбасары булып эшләгән Беляков Владимир Геннадий улы булды.

Бүген ТР Сәламәтлек саклау министры А.Ю. Вафин Сәламәтлек саклау министрының беренче урынбасары белән рәсми итеп таныштырды, бу моңа кадәр урынбасар урынында эшләгән Осипов Сергей Альберт улы булды. Шулай ук министрлык коллективын Сәламәтлек саклау министрының яңа урынбасары - моңа кадәр Казанның "16 номерлы шәһәр клиника хастаханәсе" ДАССОда баш табиб булып эшләгән Фатыйхов Илдар Рәзин улы белән таныштырдылар.

Татарстан Республикасы Сәламәтлек саклау министры А.Ю. Вафин «Тәтеш ҮРХ» ДАССО коллективы белән очрашты һәм моңа кадәр халыкка медицина хезмәте күрсәтү буенча баш табиб урынбасары булып эшләгән «Тәтеш ҮРХ» ДАССОның яңа баш табибы Салаватуллин Ринат Рәхимҗан улы белән таныштырды.

18 сентябрьдә Тәтеш муниципаль районының Удельное Нечасово авылында халкы 120 кеше булган бер авыл җирлеге пунктына хезмәт күрсәтүче чираттагы модульле фельдшер-акушер пункты ачылды. Удельное Нечасово авылында  фельдшер-акушер пункты ачылу уңаеннан үткәрелгән тантаналы чарада Татарстан Республикасы Сәламәтлек саклау министры А.Ю.Вафин, Тәтеш муниципаль районы башлыгы В.С.Чершинцев, «Тәтеш ҮРХ» ДАССОның баш табибы Р.Р.Салаватуллин катнаштылар.