ЯҢАЛЫКЛАР
Атна эчендә Казанның ашыгыч ярдәм хезмәтенең табиблары 7492 тапкыр кешеләрне коткарырга чыктылар, шул санда җәмәгать урыннарына – 1226 тапкыр. Бәхетсезлек очракларына табиблар 923 тапкыр чыктылар, шул санда юл-транспорт һәлакәтләренә – 28 тапкыр. Бу юл-транспорт һәлакәтләрендә 23 кеше зыян күрде, 1 кеше һәлак булды, 15 кеше дәвалау оешмаларына китерелде. Янгыннарга табиблар 16 тапкыр чыктылар. Бала табуларга Казанның Ашыгыч медицина ярдәме станциясеннән табиблар 92 тапкыр чыктылар. Төрле авырулар буенча 5839 чакыру үтәлде, шулардан көчле миокард инфарктлары – 52, баш мие кан әйләнешенең көчле бозылулары – 170.
5 майда Халыкара акушерка көне билгеләп үтелә. Яңа туган баланың сәламәтлеге һәм яңа гына булган әнинең хәле нәкъ менә шушы кешеләрнең эшчәнлегеннән тора.
Түбән Кама шәһәренең Перинаталь үзәге белән Балалар шәһәр хастаханәсе акушеркасы Юлия Арнышева бу һөнәрне ни өчен сайлавы һәм нәрсә аңа киеренке эшне башкарырга ярдәм итүе турында сөйләде. Нәфис кызның бала тудыру бүлегендә эшләү тәҗрибәсе зур.
Ел саен 28 апрельдә билгеләп үтелә торган Бөтендөнья хезмәтне саклау көне алдыннан Чистай ҮРХдә сәламәтлек саклау оешмаларында хезмәт куркынычсызлыгы системасына багышланган лекцияләр узды. Шуны да билгеләп үтәргә кирәк, 2019 елда Халыкара хезмәт оешмасы (ХХО) оешуның йөз еллык юбилее билгеләп үтелә.
Татарстан медиклары Халыкара хезмәт ияләренең бердәмлеге көненә – 1 май көненә багышланган Беренче май демонстрацияләрендә катнаштылар.
КДМУның проф. В.С. Груздев ис. акушерлык һәм гинекология кафедрасының Аккредитация-симуляция үзәге (АСҮ) җирлегендә Казан шәһ. дәвалау-профилактика учреждениеләренең табиблары өчен акушерлык һәм гинекология буенча чираттагы цикл узды.
28 апрельдә Казан шәһәренең Урицкий ис. паркында язгы «Аеклык бәйрәме» билгеләп үтелде. Бәйрәм кунаклары игътибарына кызыклы, хәрәкәтле спорт уеннары тәкъдим ителде. Барлык теләүчеләр интеллектуаль-тарихи уеннарда һәм викториналарда катнаштылар. Мәктәпкәчә яшьтәге балалар белән гаиләләр өчен актив һәм күңелле уеннар үткәрелде. Бию мәйданчыгы зонасында тере музыка астында бию, үзара аралашуга уеннар һәм команда уеннары белән яшьләр кичәсе оештырылды.
1нче һәм 2нче номерлы сырхауханәләр регистратурларында, консультатив-диагностика сырхауханәсендә, шулай ук стоматология сырхауханәсендә урнашкан «кире элемтә» планшетлары пациентларда популярлык казануларын дәвам итәләр.
«Медицина хезмәтләре экспортын үстерү» федераль проектын гамәлгә ашыру кысаларында Республика клиник хастаханәсенә Әфганстан делегациясе килеп китте. Кунакларны РКХнең баш табибы Рафаэль Шавалиев каршы алды.
Лениногорск ҮРХнең белгечләре-эпидемиологлары ВИЧ-йогышын кисәтү буенча профилактик чаралар кысаларында Лениногорск нефть техникумы, политехник һәм музыка-сәнгать педагогика көллияте укучылары өчен видео-лекторий үткәрделәр.