ЯҢАЛЫКЛАР
Әлки муниципаль районында 2015 елның 26 февралендә Урта Әлки фельдшер-акушерлык пунктының модуль бинасын тантаналы ачуы булды.
Катнаштылар: Татарстан Республикасының Дәүләт советы рәисе урынбасары Камалтынов Ю.З., «Нефтемаш» Әлки заводының генераль директоры Гайсин М.С., «Алексеевскдорстрой» ААҖнең генераль директоры Вәлиев Ф.В., Татарстан Республикасы сәламәтлек саклау министрының беренче урынбасары Осипов С.А., Әлки муниципаль районы башкарма комитетының җитәкчесе Никошин А.Ф., «Базарлы Матак РҮХ» ДАССОның баш табибы Одушкина С.В.
Ике яклы хезмәттәшлек чикләрендә 2015 елның 16нчы февраленнән башлап 19на кадәр танылган Европа клиникасына 2нче номерлы ортопедия бүлегенең мөдире Кудрявцев Алексей Иван улы барып кайтты. Профессор Алеш Видаль оештырган стажировка вакытында казан табибы клиниканың өйдәүче белгечләре белән уздырылган 12дән артык югары технологик оператив артроскопик тыкшынуда катнашты. Оча сөяк-бот буыннарында операцияләр аерым кызыклы булды. Артроскопиянең бу юнәлешенең үсеше, шул буыннарның җәрәһәтләнүнең һәм авыру санының ешлыгын исәпләп, үтә актуаль. Профессор А. Видаль иң якын вакытта Татарстанга яңадан килергә әзерлеген белдерде.
2014 елның йомгаклары буенча финанс-чыгымлы авырулар буенча кирәкле дару чаралары белән тәэмин итү программаларын, Татарстан Республикасы гражданнарын түләүсез дару чаралары белән тәэмин итүне, медицина оешмаларын дару белән тәэмин итүне гамәлгә ашыру турында «Югары медицина технологияләренең белем бирү үзәге» КБПда видеоконференция тәртибендә Республика киңәшмәсендә сөйләделәр. Төп докладлар белән Татарстан Республикасы сәламәтлек саклау министры урынбасары Фәридә Яркаева һәм «Таттехмедфарм» ДУПнең генераль директоры Олег Акберов чыгыш ясадылар.
Бүген Курганга эш визиты чикләрендә академик Г.А. Илизаров исемендәге «Торгызу травматологиясе һәм ортопедиясе» Россия фәнни үзәгенә Татарстан Республикасы Президенты Рөстәм Миңнеханов килеп китте. Исегезгә төшерәбез, Рөстәм Миңнеханов Курганда бер көнлек эш визиты белән булды. Татарстан делегациясе составында шулай ук: ТР Премьер-министры урынбасары – ТР сәнәгать һәм сәүдә министры Равил Зарипов, ТР Премьер-министры урынбасары– ТР авыл хуҗалыгы һәм азык-төлек министры Марат Әхмәтов, ТР төзелеш, архитектура һәм ТКХ министры Ирек Фәйзуллин, ТР сәламәтлек саклау министры Адел Вафин һәм башкалар.
Казан ДМУ химия, биология, физика, рус теле предметлары буенча ЕГЭга хәзерләнү буенча ике айлык курсларга кабул итүне игълан итә. Укыту срогы: 10 атна. Интенсивлык: атнага 1 дәрес 1 предмет буенча. Дәресләр 16.00 сәг. башлап 19.15 кадәр уза. 1 предметны өйрәнү бәясе 4 000 сум.
Бүген ТР сәламәтлек саклау министрлыгының фармация идарәсенең медицина техникасы бүлегенең башлыгы Юрий Фомин, Югары Ослан районының социаль-мәдәни мәсьәләләр буенча Башкарма комитеты җитәкчесенең урынбасары Вилена Касимова катнашуында Югары Ослан районы үзәк хастаханәсенең йомгаклау медицина советы булды. Төп доклад белән «Югары Ослан РҮХ» ДАССОның баш табибы Ирек Мусин чыгыш ясады.
Бүген Чүпрәле муниципаль районы Советының 43нче утырышы булды. Утырышның эшендә Татарстан Республикасы Дәүләт Советының Рәисе Фәрид Мөхәммәтшин катнашты. ТР парламенты җитәкчесенең эш визиты Үби саласында ФАПны тантаналы ачудан башланды.