ЯҢАЛЫКЛАР
2020 елның 27 февралендә Татарстан Республикасы Сәламәтлек саклау министрлыгында ТР ССМ карамагындагы Иҗтимагый совет утырышы кысаларында 2019 ел эчендә ведомствоның халык алдында формалаштырылган максатларын һәм бурычларын тормышка ашыру нәтиҗәләре буенча иҗтимагый фикер алышу булды.
Татарстанлыларны республиканың акушерлык һәм гинекология үсешенә зур өлеш керткәннәре өчен бүләкләделәр. Ветеран С.К. Мифтахова Россия акушер-гинекологлар җәмгыятенең Мактау билгесе белән бүләкләнде.
ТР сәламәтлек саклау министры урынбасары Илдар Фатыйхов, ТР ССМ метрологик һәм техник контроль, хезмәтне саклау идарәсе башлыгы Фәнис Исхаков һәм ТР ССМ Республика онкодиспансеры баш табибы Илгиз Һидиятов Яр Чаллы шәһәрендә онкология үзәге төзелеше объектында булдылар һәм эшләрнең барышы белән таныштылар.
Бүген Балалар республика клиник хастаханәсендә медицина советы утырышы узды, анда 2019 елга йомгаклар ясалды һәм 2020 елга бурычлар куелды.
Җомга көнне, 2020 елның 28 февралендә, Татарстан Республикасында беренче Бөтенроссия беренче ярдәм күрсәтү дәресе узачак. Аны ТР Сәламәтлек саклау министрлыгы һәм ТР Мәгариф министрлыгы ярдәме белән Россия мәктәп укучылары хәрәкәте белән берлектә «Волонтер-медиклар» хәрәкәте үткәрәчәк.
Республика СПИД үзәге «2018-2019 елларда Алабуга муниципаль районы оешмаларында җитештерү травматизмын анализлау» Республика семинары кысаларында ТР Хезмәт, мәшгульлек һәм социаль яклау министрлыгы тарафыннан оештырылган хезмәт эшчәнлеге процессында кешене яклау өлкәсендә алдынгы казанышлар һәм эшләнмәләр күргәзмәсендә катнашты. Чара Хезмәт өлкәсендә ВИЧ профилактикасы буенча дүрт яклы килешүне гамәлгә ашыруның беренче этабы булды.
Яңа Чишмә ҮРХдә 2019 елда районның сәламәтлек саклау учреждениеләренең эшчәнлеге йомгаклары һәм 2020 елга бурычлар турында медицина советының утырышы булды. Совет эшендә ТР ССМ министры урынбасары Илдар Фатыйхов һәм Яңа Чишмә муниципаль районы башлыгы Вячеслав Козлов катнаштылар.
«Перинаталь үзәк белән Балалар шәһәр хастаханәсе» ДАССУ белгечләре Киров шәһәрендә вакантлы эш урыннары ярминкәсендә катнаштылар.
Тыл хезмәтчәне, Хезмәт ветераны Анна Кириловна Гущинаны Сәламәтлек саклау идарәсе һәм ветераннар советы, Әлмәт үзәк район хастаханәсе, участок хастаханәсеннән хезмәттәшләре һәм күршеләре 95 яшьлек юбилее белән котладылар.
Бөгелмә районында яшәүчеләр сәламәтлек саклау турында турыдан-туры хастаханә җитәкчелегенә сораулар бирә алдылар. Бөгелмә ҮРХнең баш табибы Рим Амеров телефон аша «туры линия» үткәрде. Ике сәгать эчендә ул 15 телефон шалтыратуына җавап бирде. Халык белән аралашуда шулай ук баш табиб урынбасарлары да катнаштылар.