ЯҢАЛЫКЛАР
2019 елның 19 мартыннан башлап 19 апреленә кадәр Бөтендөнья туберкулез белән көрәш көне кысаларында Татарстанда туберкулезны профилактикалау һәм иртә ачыклау буенча чаралар уза. Ай дәвамында торак пунктларында кайнар линияләр, ачык ишекләр көннәре, рәсемнәр, санитар бюллетеньнәр конкурслары, шулай ук мобиль операторлар абонентларына мәгълүмати хәбәрләр тарату оештырыла.
Перинаталь үзәге булган Әлмәт балалар шәһәр хастаханәсе белгечләре Ульяновск дәүләт университетына килеп киттеләр. Кичә югары уку йортында медицина факультеты, дипломнан соң медицина һәм фармацевтика белеме бирү факультеты, экология факультеты, физик культура һәм реабилитация факультеты, медицина көллияте студентлары өчен практикалар, стажировкалар һәм вакансияләр ярминкәсе узды. Хәзерге вакытта медицина факультетының 17 кафедрасында ике меңнән артык студент белем ала.
Яр Чаллыда 2018 елда учреждение эшчәнлегенең йомгаклары һәм 2019 елга бурычлар һәм перспективалар буенча Сугышлар ветераннары өчен госпитальнең отчет җыелышы узды. Утырыш Яр Чаллы шәһәре Башкарма комитеты җитәкчесе урынбасары Рамил Хәлимов, Шәһәр Советы депутаты Ләлә Камалетдинова, шәһәрнең сәламәтлек саклау идарәсе җитәкчесе урынбасары Айгөл Борһанова катнашында узды.
Бүген онкологик авырулардан терелеп килүчеләр өчен Сәламәтлек мәктәбендә тагын бер лекция узды, тыңлаучылар алдында ТКҮРКХ онкологы Людмила Суслова чыгыш ясады, ул сөт бизенең һәм аналык бизенең яман шешен диагностикалау һәм дәвалау турында, никадәр еш тикшерүләрне узарга һәм анализлар бирергә кирәклеге турында сөйләде.
Республика клиник хастаханәсенә Киров өлкәсенең Сәламәтлек саклау министры Андрей Черняев килеп китте. Ведомство җитәкчесе белән РКХнең баш табибы урынбасары Айрат Хәйруллин, шулай ук бүлекләрнең мөдирләре очраштылар. Визит барышында җитәкчеләр кичектергесез пациентлар өчен кабул итү бүлеген уздылар. КИДБнең (кабул итү-диагностикалау бүлегенең) мөдире Илфак Ярмиев медицина ярдәмен күрсәтүнең логистикасы һәм бүлекнең мөмкинлекләре белән таныштырды.
Казанда VII Республика профсоюз агитбригадаларының конкурсы узды. Конкурста Татарстанның төрле районнарыннан профсоюзларның тармак комитетларыннан 10 команда катнашты.
Ел саен 27 мартта медицина белгечләре – нефрологлар үзләренең һөнәри көнен билгеләп үтәләр. Алар бөер авыруларын диагностикалау, дәвалау һәм профилактикалау белән шөгыльләнәләр. Без ишеткәнчә – цистит һәм бөер ташы авыруы бар. Әмма нефролог диагнозлый һәм дәвалый торган катлаулы атамалары булган авырулар да бар: гломерулонефриттан алып диабетик нефропатиягә кадәр.
Бүген БРКХ җирлегендә Казан педиатрия мәктәбе тарафыннан оештырылган «Бөтендөнья бөер көне» фәнни-гамәли конференциясе узды. Белгечләр-нефрологлар тәҗрибә уртаклашу, бөер авыруларын профилактикалау системасын үстерү, модернизацияләү һәм авыруларны дәвалауның сыйфатын күтәрү максаты белән җыелдылар.
Республика медицина профилактикасы үзәгенең белгечләре Татарстан Республикасы УМУЙ (Урта махсус уку йортларының) укытучылары һәм медицина хезмәткәрләре өчен методик семинар оештырдылар.
Бүген йөклелек һәм бала табу темасына интернет иң төрле мәгълүмат белән тулган. Әмма аларның кайсысы дөрес? Түбән Кама шәһ. Перинаталь үзәге белән балалар шәһәр хастаханәсенең Хатын-кызлар консультациясендә «Сонатал» дигән булачак әниләр өчен мәктәптә бу өлкәдәге теләсә нинди мәсьәлә буенча төгәл һәм дөрес мәгълүматны белергә була.