ЯҢАЛЫКЛАР

Бүген «ТР ССМ Республика суд-медицина экспертизасы бюросы» ДАССОына эш визиты белән Татарстан Республикасы буенча Дәүләт хезмәт инспекциясе җитәкчесе Е.К.Костюшин, бәхетсезлек очракларын һәрьяклап тикшерү буенча бүлек башлыгы А.Ю.Ларюхин килеп киттеләр. Киңәшмә барышында үлем нәтиҗәсе белән производствода җәрәхәтләнү очракларын анализлау өлешендә ведомстволар арасындагы үзара тәэсир итешү мәсьәләләрен уйлаштылар. Атап әйткәндә, производстводагы үлем очракларында һәрьяклап тикшерү вакытларын кыскарту, эш бирүчеләр өчен тиешле регламентлар эшләп чыгаруның кирәклелеге, бергәләп комплекслы экспертизалар уздыру мәсьәләләре күтәрелделәр.Киңәшмәнең эшендә бюро башлыгы М.И.Тимерҗанов, оештыру-методика эшләре буенча бюро башлыгының урынбасары Р.М.Газизҗанова, зарар күргән, гаепләнүче һәм башка шәхесләрне экспертизалау бүлеге мөдире О.Ю.Оладошкина һәм суд-гистология бүлеге мөдире А.М.Хромова катнаштылар.

Бүген Чүпрәле районында, Бурундуки–Чүпрәле автоюлында ЮТҺ булды.

2 җиңел автомобильнең (туй кортежы) бәрелешүе нәтиҗәсендә 5 кеше, шул санда 1 бала, зыян күрде. ЮТҺ урынына Иске Шәйморза участок хастаханәсенең ашыгыч медицина ярдәменең фельдшер бригадасы чыкты. Зыян күргән кешеләр, шул исәптән бала, Буа РҮХнә тапшырылдылар: аларның икесе уртача авыр хәлдә, шул исәптән бала, хастаханәгә урнаштырылды, калган 3 кеше канәгатьләнерлек хәлдә амбулатор дәвалауга җибәрелде.

Татарстан Республикасы Сәламәтлек саклау министрлыгы «Яр Чаллы йогышлы авырулар хастаханәсе» ДАССОнда балалар церебраль параличы белән авыручы ике яшьлек баланың үлеме факты буенча хезмәт тикшерүен үткәрүне тәмамлады.

Баланың үлүе сәбәбе булып канның көчле онкологик авыруы тора. Авыру патологоанатомик һәм гистологик тикшерү нәтиҗәләре белән расланды, ләкин ул бала исән чакта ачыкланмаган булган.

Баланың стационарда кыска вакытлы булуына карамастан, медицина ярдәмен күрсәтүнең җитешсезлекләре кабул итү бүлегенең һәм реанимация бүлегенең этапларында билгеләнде.

Гомуми оештыру бозылулары да ачыкланды, аларны бетерү өчен оешмага боерык бирелде.

14 августта Бөгелмәдә ТР Дәүләт Советының Рәисе Фәрит Мөхәммәтшин катнашуында авыл халкының эш активлыгын күтәрү һәм хуҗалык итүнең кечкенә формаларын үстерү мәсьәләләре буенча зона киңәшмәсе узды. Киңәшмәнең эшендә шулай ук  ТР сәламәтлек саклау министры Адел Вафин катнашты.

Өч ел рәттән кунакчыл як, әлмәт уллары һәм кызлары җире, «Балкыш» дигән Республика ветераннар арасында үзешчән башкаручылар фестивалендә катнашучыларны киң колачлап кабул итә. Алдагы фестивальне үткәрү һәм бүгенгесенә әзерләнү буенча муниципаль берәмлекләрдә зур эш башкарылды.

Фестивальнең оештыру комитетына ТР Дәүләт Советы Рәисе Фәрит Мөхәммәтшин җитәкчелек итә, һәм ул республика башлыгының булышлыгында үткәрелә. Бәяләүнең төп критерийларының берсе булып башкарылучы әсәрләрнең «Бөек Җиңүнең 70-еллыгына багышлана» дигән тематикага туры килүе тора.

Әлмәт муниципаль районы җитәкчелеге исеменнән сәламләү сүзе һәм яхшы теләкләр белән сәламәтлек саклау һәм социаль яклау буенча башкарма комитет җитәкчесе урынбасары, ТР ССМ ӘМР буенча Сәламәтлек саклау идарәсе җитәкчесе Равил Хәйруллин Мәдәният елында үткәрелүче мәдәни чарада катнашучыларга мөрәҗәгать итте. Ул ветераннарның халыкка үзенчәлекле мәдәни һәм сәламәт яшәү идеясын җиткерүләре турында билгеләде.

КБМҮнең балалар хастаханәсендә бүген тантаналы рәвештә китапханә ачтылар.
Китапханә хастаханәнең иң кеше күп йөри торган бүлеге – физиотерапия бүлегендә урнаштырылды. Монда бөтен бүлекләрдәге пациентларга дәвалау процедуралары үткәрәләр. Массаждан яки уколдан соң китап алырга керергә була. Бәхеткә, китапханә фонды яхшы тупланылган – 1000 китап. Әдәбият иң кечкенә пациентларга да, яшүсмерләргә дә исәпләнгән. Киштәләрнең зур өлешен медицина әдәбияты алып тора. Чөнки китапханә  авырулар өчен генә түгел, аларны  дәвалаучылар – медицина хезмәткәрләре өчен дә ачылды. КБМҮгә сирәк махсуслашкан әдәбиятны Казан шәһ. Республика китапханә-мәгълүмат үзәге бирде. Китапларны шәһәрнең берничә китап кибете һәм шулай ук гади чаллылылар бүләк итте.

Чараның чикләрендә торак йортларның ишегалларында балалар һәм өлкән кешеләр өчен сәламәтлек үзәкләрен ачалар. Бөтен теләгән кешеләр йогышлы булмаган авырулар үсешенең төп риск факторларын ачыклау өчен тикшерү уза алалар. «Сәламәтлек мәктәпләре» уздырыла, уздыру вакытында медицина университетының танылган профессорлары микрорайонда торучыларга иң киң таралган авырулар килеп чыгуның төп риск факторлары турында сөйлиләр, сәламәт яшәү рәвеше алып барырга өндиләр.

Бүген акция Казан шәһ., Вишневский ур.,11 (йортларның ишегалларында) узачак. Теләгән кешеләрне катнашырга чакырабыз!

Сәламәтлек саклау министры урынбасары әйткәнчә, бүгенге көнгә социаль хезмәтләр җыелмасын алырга хокуклы федераль льготниклар саны 110 294 кешене тәшкил итә. Социаль хезмәтләр җыелмасын алырга хокуклы федераль льготниклар санының артуы 2014 елның башыннан 5,5% тәшкил итте. Татарстан буенча Россия Федерациясенең Пенсия фонды бүлегенең мәгълүматлары буенча баш тартучыларның проценты 2014 елга 72% тәшкил итә, ә 2015 елга – 70,4%. Баш тартучыларның иң зур проценты Кукмара, Яшел Үзән, Актаныш, Баулы, Норлат, Чистай, Бөгелмә, Балтач, Алексеевск, Саба районнарында күзәтелә.

Аны башкалада инде 50 мең кеше үтте. Ләкин  тикшеренүгә күбесе теләмичә генә бара. Нәкъ менә диспансерлаштыру күп авыруларны башлангыч стадияләрендә ачыкларга мөмкинлек бирә, шул исәптән онкология авыруларын да. Бүген республиканың сәламәтлек саклау министрлыгы «Журналистлар күзлегеннән чыгып диспансерлаштыру» дигән акцияне үткәрде.
Тулырак мәгълүмат «Казан» ТРК корреспонденты Диана Богомолова сюжетында:

Тереза Ананың тормыш турында әйткән 18 васыяте исәбендә шундые да бар: «Гомер – сәламәтлек, аны саклагыз». Һәр дәвалау – профилактикалау оешмасының төп бурычы – кешеләрне коткару һәм аларның сәламәтлеген саклау. Әлмәт ДПОсы үзенең төп функциясен ничек үти, нинди проблемаларны чишәргә кирәк, медицина эшчеләре коллективларына ничек булышлык күрсәтергә, пациентлар иминлеге өчен нинди максатлы Программалар бар һәм алар ничек эшлиләр, - боларның барысы да районның беренче шәхесенең, шулай ук теле һәм фотокамераларның объективларының күзәтүе астына керделәр.