ЯҢАЛЫКЛАР
Түбән Кама үзәк район күп профильле хастаханәсенең коллективы «Кыш бабай бул» хәйрия акциясендә катнашты. Түбән Камада медиклар барлык мохтаҗ балаларга уенчыклар, татлы җыелмалар, пазллар, китаплар, иҗат өчен җыелмалар һәм башка бик күп нәрсәләрне тапшырдылар.
Яр Чаллыда ел саен үткәрелә торган «Теләк чыршысы-2018» хәйрия акциясе старт алды, ул киләсе Яңа елны Кама балалар медицина үзәгендә каршы алачак балалар өчен бүләкләр җыюга юнәлтелгән. 23 декабрьгә кадәр мәгариф оешмаларында, предприятиеләрдә, мәктәпләрдә, шулай ук «Нур» яшьләр үзәгендә бүләкләр җыю бара. Параллель рәвештә яшьләр балалар өчен бәйрәм программасы әзерлиләр.
Татарстан Республикасы илнең 85 регионы арасында электрон хезмәткә яраксызлык кәгазьләрен бирү буенча 1нче урынны алды. Татарстанда барлыгы 329 351 меңнән артык электрон хезмәткә яраксызлык кәгазе бирелгән.
10 декабрьдә «Казан медицина көллияте»ндә «2014-2020 елларга Татарстан Республикасының дәүләт телләрен саклау, өйрәнү һәм үстерү» дәүләт программасын гамәлгә ашыру кысаларында Татарстан Республикасының урта медицина белем бирү оешмалары студентлары арасында «Татар кызы» дигән икенче республика конкурсы узды.
Әлки районында фельдшер-акушерлык пункты файдалануга тапшырылды. Тантаналы ачу ТР ССМ төзелеш идарәсе башлыгы Фәнис Исхаков катнашында узды.
Бүген ТР сәламәтлек саклау министры Марат Садыков Молдова Республикасының автономияле территориаль берәмлеге Гагаузия делегациясенең вәкилләре белән очрашты. Очрашу барышында Гагаузия АТБ Башкарма комитеты рәисенең беренче урынбасары Вадим Чехан Татарстан Республикасына һәм шәхсән Президент Рөстәм Миңнехановка Гагаузия автономияле берәмлегенең сәламәтлек саклау өлкәсенә булышлык күрсәтү өчен рәхмәт белдерде. Очрашу барышында яклар хезмәттәшлек турында килештеләр.
ТР сәламәтлек саклау министры Марат Садыков РФА академигы, Россия Сәламәтлек саклау министрлыгының баш трансплантологы, И. М. Сеченов исемендәге Беренче мәскәү дәүләт медицина университетының трансплантология һәм ясалма органнары кафедрасы мөдире Сергей Готье белән очрашты.
Очрашу чикләрендә Татарстан Республикасы Сәламәтлек саклау министрлыгы һәм академик В. И. Шумаков исемендәге «Трансплантология һәм ясалма органнарның милли медицина тикшеренү үзәге» ФБДУ арасында донорлык һәм органнар трансплантациясе өлкәсендә хезмәттәшлек турында килешүгә имза куелды.
Бүген Казанда халыкара катнашу белән С.С. Зимницкий исемендәге I Бөтенроссия клиник медицина конгрессы ачылды. Конгресс Казан университетының атказанган профессоры, СССРның дөньякүләм танылган иң эре клиницисты С. С. Зимницкийның тууына 145 ел тулуга багышланган. Семён Семёнович – 1920 елда табибларны камилләштерү өчен Казан институтын (ГИДУВ) оештыручыларның берсе, Татариядә үз милли кадрлар булдыруының инициаторы булды. Галимгә нефрологик тикшеренүләр, гастроэнтерология, пульмонология, йогышлы авырулар өлкәсендә фундаменталь эшләр гомуми танылу һәм дөньякүләм мәшһүрлек китерделәр.
8 декабрьдә 6-нчы номерлы шәһәр поликлиникасы онкология диспансеры белән берлектә оештырылган «Яр Чаллы сөт бизенең яман шешенә каршы» акциясендә 280-дән артык хатын-кыз катнашты. Ультратавыш тикшерүен 90 кеше, маммографияне 71 кеше узды. Нәтиҗәдә, медицина хезмәткәрләре сөт бизе патологиясенең 28 очрагын ачыклады, шуларның 4се – күкрәкнең яман шеше очрагы. Нәтиҗәләр ахыргы түгел, чөнки хәзерге вакытта маммограф белән ясалган сурәтләрне эшкәртү дәвам итә. Атна дәвамында күрсәтмәләр буенча маммография тагын 42 хатын-кызга эшләнәчәк.
«Яр Чаллы сөт бизенең яман шешенә каршы» акциясенең максаты – сөт бизенең онкологик авыруларын иртә ачыклау. Тикшеренүгә быел тикшерелмәгән 40 яшьтән өлкәнрәк хатын-кызлар чакырыла. Тикшерү түләүсез.
Чираттагы акция поликлиникада 15 декабрьдә узачак. Үзең белән паспорт һәм медицина полисын алып барырга кирәк. Белешмәләр һәм язылу өчен телефоннар: 51-50-50, 58-54-87.
БРКХдә табиблар стоматологлар һәм табиблар анестезиологлар тарафыннан Самара өлкәсеннән йөрәк кимчелеге диагнозы белән 6-яшьлек балага наркоз астында тешләрне уникаль дәвалау үткәрелде.